Икона пресвятой богородицы «путивльская» — православные молитвы

Путивльская икона Божией Матери

Путивльская икона Божией Матери

Путивльская икона Божией Матери

Чудотворный образ Божией Матери «Путивльский» известен с 1635 года.
День празднования — 02 (15) мая.

История иконы

Явилась 2 мая 1635 года в городе Путивле Курской губернии (ныне Сумская епархия) у бывших Никольских ворот.

Чудотворный образ долгое время находился на городских воротах и прославился многочисленными чудотворениями и знамениями, защищая жителей от набегов татар и воинственных шведов. Со временем был перенесен в Путивльский Печерский монастырь.

Перед святыней просят в основном о заступничестве, но каждый, пришедший к ней с чистым сердцем, обязательно будет услышан.

Иконография

Богоматерь изображена на этой чудотворной иконе с Предвечным Младенцем, держащим в левой руке шар, символ Его вседержительства и обладания всем миром.

У правой руки Богоматери изображена лестница, это символ того, что Она, родив Иисуса Христа, примирившего Бога с человечеством, соединила таким образом земное с небесным. На современных списках иногда шар не изображают.

Тропарь Божией Матери пред чудотворною иконою Ея Путивльския. Глас 4:

Днесь светло красуется древний град Путивль, / поминающе славное чудо Пресвятыя Богородицы: / древле бо икона Ея / на вратех Никольских яко звезда пресветлая возсия, / души всех к ней притекающих дивным светом озари. / Тем верою и любовию Владычице вопием: // спаси град Свой и люди.

Кондак Божией Матери пред чудотворною иконою Ея Путивльския. Глас 4:

Необоримая Заступнице земли Путивльския, / от враг иноплеменных и лютых / и Избавительнице Милостивая / язвы смертоносныя. / Избави рабы Твоя всяких бед и скорбей, / верою и любовию чудотворней иконе Твоей припадающия, // и спаси, Благая, души наша.

Акафист Пресвятей Владычице нашей Богородице в память явления чудотворныя иконы Ея, Путивльския:

Кондак 1

Возбранной Воеводе и Всемилостивей Госпоже и Владычице, преславней Заступнице града Путивльскаго и всех христиан Упованию, приидите вернии похвальная пения принесем, честную икону Ея лобызающе и умиленною душею вопиюще: Радуйся Одигитрие Путивльская, в Царствие Небесное наша преславная Путеводительнице.

Икос 1

Архангел Гавриил послан бысть с небесе, во еже рещи Богородице Радуйся, и людие путивльстии радовахуся, явление лика Ея пресветлаго на вратех града своего зряще, ликовствоваху же вопиюще той сице: Радуйся, корене Давидова отрасле преславная: Радуйся, праведными Иоакимом и Анною воспитанная.

Радуйся, во храме Божием чистотою и смирением просиявшая: Радуйся, пророческая словеса преславно исполнившая. Радуйся, Адама и Евы тьмы адовы избавльшая: Радуйся, светом Сына Твоего весь мир осиявшая. Радуйся, всех верных жизни вечныя сподобляющая, Радуйся окаянных демонов козни разрушающая. Радуйся, путь незаблудный, еже ко спасению показующая: Радуйся, бездны греховныя изымающая.

Радуйся Одигитрие Путивльская, в Царствие Небесное наша преславная Путеводительнице.

Кондак 2

Видяще чудеса и знамения от святых икон Твоих, Владычице, бываемыя, прославляем Тя, сих Подательницу, и Сына Твоего славословим, вопиюще Богу: Аллилуиа.

Икос 2

Разум человеческий тайну Боговоплощения постигнути не может, и уста наша славу и величие Царицы Небесныя изглаголати недоумеют; обаче сердце сокрушенно, еже Бог не уничижит, вопиет Той таковая: Радуйся, смирения и кротости преславная Наставнице: Радуйся, рода христианскаго первейшая Заступнице. Радуйся, Владычице, иконы Своя нам преславно являющая: Радуйся, чтущим я скоро помогающая. Радуйся, Света незаходимаго Родительнице: Радуйся, всем Тому последующих благая Путеводительнице. Радуйся, грабителей храмов Божиих наказующая: Радуйся, о благолепии Домов Божиих радеющих благословляющая. Радуйся, Херувимов несравненно честнейшая: Радуйся, Серафимов воистину славнейшая. Радуйся, всех скорбящих неизреченная радосте: Радуйся, благоговейных монахов и пресвитеров сладосте. Радуйся Одигитрие Путивльская, в Царствие Небесное наша преславная Путеводительнице.

Кондак 3

Сила Божия осени древле град Путивльский, егда икона Твоя, Владычице, на вратех Никольских дивным светом просия, и множество чудес от нея источися. Тем же и ныне нас не забуди, Премилостивая, вопиющих Ти: Аллилуиа.

Икос 3

Имуще преславный образ Твой, Приснодево, град Путивльский радуется, и вся земля Русская вкупе с ним торжествует, пришествие Твое во иконе дивней славяще, убогими же языки дерзающе пети сицевая: Радуйся, землю Русскую крепце возлюбившая: Радуйся, храмы и обители имене Своего зде во множестве насадившая. Радуйся, помощь во бранех воинству нашему подающая: Радуйся, агарян конечне посрамляющая. Радуйся, умы верных пети во славу Твою воздвизающая: Радуйся, и несмысленная тожде творити научающая. Радуйся, правителей нечестивых вразумляющая: Радуйся, сирым и странным помогающая. Радуйся, демонов силою Своею устрашающая: Радуйся, кающихся грешников во брани духовней укрепляющая. Радуйся, души наша ко Господу возводящая: Радуйся, телесныя язвы наша врачующуя. Радуйся Одигитрие Путивльская, в Царствие Небесное наша преславная Путеводительнице.

Кондак 4

Буря смущения душевнаго в верных путивлечах воздвижеся, егда татарове окаяннии, а послежде и свее, ко граду их приступиша, погубити тех тщащеся; Ты же, Владычице, чрез икону Свою, град Путивль от поганых защитила есть, воздвизая спасенных благодарне вопити: Аллилуиа.

Икос 4

Слышаша людие российстии весть о чудесех и знамениях, чрез икону Твою, Богородице, бываемыя, притекаху во град Путивль, образ честный лобызающе, и Тебе, истинней чудесем Виновнице взываша: Радуйся, граждан путивльских от татар и свеев избавление: Радуйся, агарян беззаконных конечное посрамление.

Радуйся, смертоносныя заразы скорое от нас отгнание: Радуйся, благодати Божия преславное призвание. Радуйся, оградо несокрушимая, всем спасения чающим: Радуйся, столпе и утверждение всем право в Тя верующим.

Радуйся, отрадо чистым сердцем Сыну Твоему работающим: Радуйся, утешение всем, о гресех своих плачущим. Радуйся, успокоение во обителех Твоих живущим: Радуйся, наградо, благолепие храмов Божиих любящим. Радуйся, исцеление душевное и телесное подающая просящим: Радуйся, воздаяние скорое, милостыню творящим.

Радуйся Одигитрие Путивльская, в Царствие Небесное наша преславная Путеводительнице.

Кондак 5

Боготечную звезду узревше волсви, достигоша Царя Славы, яко Младенца в яслех лежаща. Тем же и нас, убогих, иконам Твоим, Приснодево, припадающих, к познанию Сына Твоего направи, да спасение улучивше, воспоем: Аллилуиа.

Икос 5

Видяще лествицу в деснице Твоей, Богоневесто, тайну снизшествия Сына Твоего к нам грешным разумеем.

Ты же, превыше Херувим превознесенная, и паче Серафим прославленная, возведи души наша горе, да Горняго Иерусалима достигше, взывати Ти сице начнем: Радуйся, Лествице мысленная, Иаковом древле виденная: Радуйся, Стамно златая, манны исполненная. Радуйся, Иосифу праведному обрученная: Радуйся Гавриилом Архангелом обрадованная.

Радуйся, Кадильнице благоухающая, Духа Свята исполненная: Радуйся, Лампадо пресветлая, благодатиею Божией возжженная. Радуйся, Трапезо, Хлеб Живота вечнаго имущая: Радуйся, Чаше златая, Невместимаго вместившая.

Радуйся, Молитвеннице неустанная, Сына Своего о нас молящая: Радуйся, Ходатаице пред Тем благая, прощение нам скоро подающая. Радуйся, Звездо утренняя, во тьме греховней сияющая: Радуйся, Луно пресветлая, Солнцу правды предшествующая. Радуйся Одигитрие Путивльская, в Царствие Небесное наша преславная Путеводительнице.

Кондак 6

Проповедует вся земля русская заступничество Твое за род человеческий пред Сыном Твоим и Господем нашим, Владычице Небесная, ни един бо, с верою к Тебе притекаяй, тощ отыде. Тем же молимся Тебе: пробави милость Свою всем иконы Твоя чтущим, Богови же вопиющим: Аллилуиа.

Икос 6

Возсиявый древле на вратех Путивльских образ Твой, Приснодево, радости неизреченныя даже до днесь сердца наша исполняет; радость же сию никтоже николиже возьмет от нас, тем вопием со умилением сице: Радуйся, явлением Архангела не устрашенная: Радуйся, названием от того благодатной почтенная.

Радуйся, великия чести, во еже быти Материю Господа удостоенная: Радуйся, от Духа Свята приосененная. Радуйся, праведною Елисаветою благословенною в женах нареченная: Радуйся, и младенцем Предтечею приветствованная.

Радуйся, в убозем вертепе Царя Славы Родившая: Радуйся, от пастырей и волхвов поклонение Сыну Своему лицезревшая. Радуйся, словами праведнаго Симеона во храме опечаленная: Радуйся, со смирением волю Божию приемшая.

Радуйся, спасения ради Богомладенца во Египте сокрывшаяся: Радуйся, до умертвия иродова тамо пребывшая. Радуйся Одигитрие Путивльская, в Царствие Небесное наша преславная Путеводительнице.

Кондак 7

Хотяще достойно ублажити Тя, Приснодево, людие благочестивии пения и песни духовныя на похвалу Твою приносити тщатся. Тем же и мы, обаче и недостоинство свое разумеюще, дерзаем вопити Тебе: Аллилуиа.

Икос 7

Новыя чудесы иконою Своею явила еси нам, Владычице, егда многажды Путивль град, вкупе с селении близлежащими, во времена мора лютаго от конечнаго истребления свободила есть; людие же путивльстии, смерти избегше, благодарно возопиша Тебе сице: Радуйся, на браце в Кане у Сына Своего чудо испросившая: Радуйся, и ныне всем прибегающим к Тебе помогающая. Радуйся, всеми роды доныне ублажаемая: Радуйся верными присно превозносимся. Радуйся, с Сыном Своим даже до смерти Его на Голгофе пребывшая: Радуйся, сбытие проречения Симеонова тамо узревшая. Радуйся, весь род человечь при Кресте Господнем усыновившая: Радуйся, Начальника Жизни в Гефсимании во гроб положившая. Радуйся, прежде всех явлением Воскресшаго Господа обрадованная: Радуйся, вкупе со Апостолы снитием Духа Святаго почтенная. Радуйся, на святую гору Афонскую токмо ступивши идолы сокрушившая: Радуйся, тую в жребий Себе избравшая. Радуйся Одигитрие Путивльская, в Царствие Небесное наша преславная Путеводительнице.

Кондак 8

Странно есть безбожником и еретиком окаянным зрети знамения милости Господней, яже чрез святыя иконы Богородицы верным неоскудно подаются; мы же, православнии, имуще Таковую Заступницу, вопием Рождшемуся от Нея: Аллилуиа.

Икос 8

Вси концы земли русския прославляют ныне Матерь Божию, Той бо воистину похвала подобает, яко Заступнице усердной рода христианского, Сей же и мы днесь любовию пения таковая принесем: Радуйся, иконы Своя чтити благословившая: Радуйся, веру чтущих я николиже посрамившая.

Радуйся, весть о скором Успении Своем от Гавриила приемшая: Радуйся, к Сыну Своему душею и телом возшедшая. Радуйся, пред Успением Своим пришествием Апостолов обрадованная: Радуйся, собравшихся при одре Твоем утешавшая.

Радуйся, в третий час дне от мира сего отшедшая: Радуйся, в руце Божественнаго Сына Твоего душу Свою предавшая. Радуйся, яко тело Твое тления не познало есть: Радуйся, яко душа Твоя в селения горняя вознеслася есть.

Радуйся, чрез тело Свое и по Успении врачевания подававшая: Радуйся, безумие жидовина Авфония чудесне обличившая. Радуйся Одигитрие Путивльская, в Царствие Небесное наша преславная Путеводительнице.

Кондак 9

Всяк, верою иконы Твоя, Владычице, почитаяй, просимое, еже ко спасению, от Тебе скоро приемлет. Мы же, маловернии, аще и милости Твоей грех наших ради недостойнии, дерзаем взывати Ти: Аллилуиа.

Икос 9

Ветия хитрословесныя умолкают, не может бо язык человечь всю славу Твою, Владычице поведати, разум же земнородный, грехом помраченный, всю тайну домостроительства спасения нашего, чрез Тебе бывшую, вместити не может.

Обаче дерзаем взывати Ти сицевая: Радуйся, Рождеством Своим мирови радость возвестившая: Радуйся, и во Успении Своем никогоже опечалившая. Радуйся, три дня и три нощи при гробе Твоем от Апостол славословимая: Радуйся, и от Ангел даже до днесь присно хвалимая.

Радуйся, слезы Фомины чудесне осушившая: Радуйся, всем Апостолом преславно по Успении Себе явившая. Радуйся, во смирении глубоцем весь живот свой проводившая: Радуйся, тому же многия научившая. Радуйся, Пренепорочная, от чрева Твоего плоть и кровь Сыну Божию давшая: Радуйся, теми причащатися ны призывающая.

Радуйся, превыше всех святых и праведник поставленная: Радуйся, и превыше сил небесных превознесенная. Радуйся Одигитрие Путивльская, в Царствие Небесное наша преславная Путеводительнице.

Кондак 10

Спасти хотяще от поганых град Путивльский, на страже земли русския стоящь, древле явила еси в нем предивный образ Свой, Обрадованная, ему же и ныне верою притекающе и любовию лобызающе, просимая получаем, вопиюще Богу: Аллилуиа.

Икос 10

Стена еси крепкая воистину, всем спасения чающим, Богородице Владычице: тем же зрим дивныя храмы и честныя обители во имя Твое, Непорочная, по всей земли Российстей воздвизаемая, идеже вернии на молитву собирающеся, присно приносят Ти пения сия: Радуйся, в Рождестве девство сохранившая: Радуйся, и во Успении мира не оставившая. Радуйся, Дево, избранна яко солнце: Радуйся, Владычице добра, яко луна. Радуйся, чистых дев венец лучший имущая; Радуйся, благодатных жен превосходящая. Радуйся, у Креста Сына Твоего более всех мученик пострадавшая: Радуйся, ублажение Свое от всех родов предзревшая. Радуйся, во Успении Твоем славу превышшую всех преподобных стяжавшая: Радуйся, и беззребренники цельбы Своими превозшедшая. Радуйся, книго Слова Ипостаснаго: Радуйся, Святая Святых большая. Радуйся Одигитрие Путивльская, в Царствие Небесное наша преславная Путеводительнице.

Кондак 11

Читайте также:  Псалом 90: живый в помощи вышняго - православные молитвы

Пения нашего не возгнушайся, Непорочная, аще бо и убогими усты и скверным языком приносится, но яко Мати еси всем, иже христианы нарицаются, не отрини нас грешных, имуще бо печать святаго Крещения, дерзаем взывати Рождшемуся от Тебе: Аллилуиа.

Икос 11

Светоприемную свещу зрим икону Твою, Всеблаженная, во граде бо Путивле древле паче солнца чувственнаго возсия, яко истинная Одигитрия, путь ко спасению всем, онаго чающим, показующи, всех вопити воздвизающе сице: Радуйся, яко словес, имиже достойно хвалити тя не обретаем: Радуйся, яко Тобою Царствия Небеснаго достигнути чаем. Радуйся, из глубины греховныя нас воздвизающая: Радуйся, к зрению спасения сердечныя очи наша просвещающая. Радуйся, яко под Твою милость вернии притекают: Радуйся, яко вси в Тебе помощь обретают. Радуйся, руно Гедеоново орошенное: Радуйся, жезле Ааронь прозябший. Радуйся, ковчеже Завета, Духом Святым осененная: Радуйся, радуго многоцветная, добродетельми сияющая. Радуйся, яко утро проницающая: Радуйся, яко молния благодатию блистающая. Радуйся Одигитрие Путивльская, в Царствие Небесное наша преславная Путеводительнице.

Кондак 12

Благодать людем Своим дати восхотевше, Пренепорочная, присно иконы Твоя по всему лицу земли прославляеши еси, Богородице: едину же от сих, иже Путивльская именуется, обстояще ныне, вопием Ти: Аллилуиа.

Икос 12

Поюще чудеса Твоя, Всемилостивая, проповедуем от Тебе Рождшагося, ублажаем на земле Тебе послуживших, умоляем ненавидящих имя Твое, да покаются и зловерие свое да отвергнут; знамения же, от святых икон Твоих бываемая, воздвизают всех вопити Ти таковая: Радуйся, небесе и земли преславная Царице: Радуйся, чистоты образе, непорочная Голубице. Радуйся, родителей неплодных предивное прозябение: Радуйся, безбожник и агарян великое посрамление. Радуйся, клятву древнюю разрушившая: Радуйся, Адама и Еву тли смертныя свободившая. Радуйся, яко с Рождеством Твоим заря искупления восходит: Радуйся, яко Тобою нощь греха конечне преходит. Радуйся, Пресвятому Духу уневестившаяся: Радуйся, чрез все время живота Своего Христу Богу нашему трудившаяся. Радуйся, Господем яко венец рода человеча избранная: Радуйся, преизобильно Духом Святым помазанная. Радуйся Одигитрие Путивльская, в Царствие Небесное наша преславная Путеводительнице.

Кондак 13

О, Владычице наша, не напрасно Одигитриею именуемая, нынешнее наше малое молебное пение не отвергни, иже пред иконою Путивльскою Тебе приносится! Управи ны грехми ослепленныя в Царство Сына Твоего, Христа Бога нашего, идеже вкупе со всеми святыми возопием Ти: Аллилуиа.

Сей Кондак глаголи трижды, и абие по прочтении его паки глаголи Икос и Кондак 1-й

Молитва ко Пресвятой Богородице пред Ее чудотворной иконою «Путивльская»:

О, Пресвятая Дево, Владычице наша Богородице! Ты еси первая наша Молитвеннице и скорая к Богу Ходатаице! Услыши ны, грешныя чада Твоя, в беззакониях погибающия, не отвратися от нас за премногия грехи наша, имиже мы на кийждо день и час Сына Твоего паки распинаем, и Тебе, Матерь Всемилостивую, аки на Голгофе паки страдати понуждаем. Осияй ны светом славы Твоея, да вся грехи наша окаянныя увидим и искоренити потщимся. Ты, Госпоже, древле град Путивль от полков поганых избавившая, и ныне нас от полчищ бесовских, иже на ны люто нападают, милостию Твоею свободи. Путеводствуй ны ко спасению, да сподобимся вкупе со всеми святыми, от века Богови благоугодившими славити и воспевати на небесех Рождшагося от Тебе, и Твое имя величати во веки веков. Аминь.

Величание чудотворной иконе Божией Матери Путивльской:

Неизвестно. У Вас имеются другие сведения? Присылайте, с радостью дополним, но только с указанием источника информации или фотокопией источника.

Алексей Потупин,
02 (15) мая 2012 года,
Дюссельдорф-Бенрат.

К списку чудотворных икон
Назад, на главную страницу сайта «Паломник»

Источник: http://bogorodiza.blogspot.com/2012/05/blog-post_14.html

Молченская икона Божией Матери — О духовной прелести

Празднование: 24 апреля по старому стилю/ 7 мая по новому стилю, 18 сентября по старому стилю / 1 октября по новому стилю и во вторник Светлой седмицы.

Икона из Молченской Софрониевой пустыни Курской губернии недалеко от города Путивля (ныне Сумская епархия). В эти места её принесли из разоренного татарами Киева монахи, покидавшие город. Когда монахи преставились, их предали погребению в устроенной ими пещере в Чудной горе, что вблизи Молченского болота.Вскоре о подвижниках забыли, а места эти заросли лесом.

18 сентября 1405 года бортник, отыскивающий в лесу улья диких пчёл, увидел на дереве образ Богородицы, окружённый сиянием, и услышал слова: «Да созиждется на сем месте церковь Пресвятой Богородицы». Бортник поспешил в Путивль. Духовенство с множеством народа тотчас отправились на указанное место, и все увидели Молченскую икону Богородицы, источающую дивный свет.

Многие здесь же получили исцеления от застарелых болезней.Впоследствии на этом месте был построен Молченский Богородично-Рождественский Печерский мужской монастырь. Печерским он был назван от бывших в округе многочисленных пещер. Монастырь неоднократно разоряли при нашествии татар и в Смутное время.

В Смутное время игумен с братией вместе с чудотворной Молченской иконой БогоМатери был вынужден покинуть разорённую обитель и перебраться в Путивль, где был построен большой Молченский Печерский монастырь. Во время одного из пожаров чудотворная икона Божьей Матери Молченская исчезла.

В 1653 году основательно запущенный Богородично-Рождественский монастырь был восстановлен стараниями некоего строителя Софрония, отчего обитель получила ещё одно название – Софрониевая. В обителе был установлен точный список чудотворной Молченской иконы Богородицы. В годы советской власти монастырь был разрушен, а икона утрачена.

В девяностые годы ХХ столетия Молченский Печерский и Молченский Богородично-Рождественский Софрониев монастыри были восстановлены. В 1997 году обитель города Путивля получила статус женского монастыря. После возобновления монастырских служб был найден и чудотворный образ. Оказалось, икону Божией Матери прятали, спасая от поругания, местные жители.

При внимательном чтении описания чудотворной Молченской иконы Божией Матери можно заметить некоторое несоответствие между описанием и внешним её видом. В описании сказано, что Богородица держит Младенца на правой руке, лестницу в левой, перед Божией Матерью стоит молящийся человек.

Но на большинстве икон Богомладенец поддерживается левой рукой, лестница у Богородицы в правой руке, молящийся же человек либо помещается сбоку, либо вообще не изображается. Таким образом, иногда Молченская икона Пресвятой Богородицы мало чем отличается от ПУТИВЛЬСКОЙ.

Существует также чудотворный список Молченской иконы Божьей Матери, явленный в селе Бусиново под Москвой. В настоящее время Молченская икона Богородицы находится в храме Преподобного Сергия Радонежского в Бусинове.

Особенное милосердие Царицы Небесной является ко всем отходящим в жизнь вечную.

Пред иконой Пресвятой Богородицы «Молченская» молятся о защите от нападения врагов, от скорби, печали и уныния, об исцелении болезней, о защите от пожара, о напутствии и покрове отходящих в жизнь вечную.

По молитве пред этой иконой получают исцеление больные нервными заболеваниями и психическими расстройствами.

Молитва ко Пресвятой Богородице пред Ее иконою «Молченская»

О, Всемилостивая, человеколюбивая Владычице наша Богородице! Услыши сие немощное моление с любовию и трепетом припадающих к честней и славней Молченской иконе Твоей. Смиренно просим Тя: буди Стена нерушимая стране нашей Российстей, святую Церковь Православную защити от неверия, ересей и расколов. Ты бо еси всесильная христиан Заступница.

Всякую душу, к Тебе прибегающую, огради от злаго обстояния, скорби и болезни, удержи от падений греховных, падших возстави к покаянию, страждущих душевными недугами и одержимых злыми духами исцели, подаждь уходящим в жизнь вечную утешение и надежду спасения, и вся потребная к благочестивой жизни даруй.

Да славим в Троице Единаго Бога, Отца и Сына, и Святаго Духа, и Твое милостивное предстательство, ныне и присно и во веки веков. Аминь.

Тропарь, глас 4

Днесь светло красуется славный град Москва и в Путивле ликование велие, яко чествуют, Богомати, дивную икону Твою, медом благодати всех напояющую.

Кондак, глас 6

Притецем людие, к Владычице нашей Деве Богородице, икону бо Свою Молченскую нам даровала, токи исцелений источающую, всякую помощь в душевных и телесных недугах подающую и к жизни вечной приводящую.

Величание

Величаем Тя, Пресвятая Дево, и чтим образ Твой святый, имже болезни наша врачуеши и души к Богу возводиши.

Акафист Молченской иконе Божией Матери

Кондак 1Избранной от всех родов Деве Пречистей Богородице, принесем вернии сие малое похвальное пение, пред честною явленною Ея иконою, юже земля Путивльская имуще источник исцелений, блгодарствeнно верою взывает:Радуйся, Пресвятая Дево, oбители Молченския радосте и утверждение.

Икос 1Ангели предидяху Пресвятей, eгда изволи внити во Святая Святых, ангельския силы предстояху и лику Пречистыя, eгда явися икона Ея близ блата Молченскаго благоговейному бортнику, иже слыша глас таинственный: «Да созиждется на месте сем церковь Пресвятыя Богородицы”, возвратися во град Путивль, вопиюще таковая:Радуйся, Исполнение благое, совета Святыя Троицы;Радуйся, Лучу пресветлый, роду человеческому.Радуйся, Усладо сладчайшая, душ изнемогающих;Радуйся, Любове Христова, отчаянным радование.Радуйся, Фимиаме многоценный, Христом благоухающий;Радуйся, Храме одушевленный, Богом устроенный.Радуйся, Пресвятая Дево, oбители Молченския радосте и утверждение.Кондак 2Велие промышление Божие явися, егда иноцы Киево-Печерстии основаша на Молче скит, иже по летех Софрониевым нарицашеся. И тако благословение преподобных Антония и Феодосия граду Путивлю бысть, иже взываша Богу песнь: Аллилуиа.Икос 2Свет осия явленную икону, eгда Божиим промышлением явися чудно на древе. К сей вернии притекающе, исцеление от недуг душевных и телесных обретаху, благодарствeнно поюще Богородице таковая:Радуйся, Целительнице милосердная, ран душевных;Радуйся, Пристанище небурное, посреде помыслов суетных.Радуйся, Убежище пространное, от демонов стужаемым;Радуйся, Забрало крепкое, девства истиннаго.Радуйся, Палато спасения, Господа во плоти приявшая;Радуйся, Ветве целомудренная, Христом процветшая.Радуйся, Пресвятая Дево, oбители Молченския радосте и утверждение.Кондак 3Егда видеша людие путивльстии чудеса, иже от явленныя иконы Молченския oбильно источаются, тогда создаша скоро церковь во имя Пречистыя, взываше Богу: Аллилуиа.Икос 3Яко звезду Боготечную пренесоша иноцы молченстии благословением игумена Пафнутия, явленную икону во обитель Путивльскую, разорения агарянскаго ради, поюще Богородице таковая:Радуйся, Разрешение послушанием, Евина преслушания;Радуйся, Попрание вечное, смерти Адамовы.Радуйся, Ложе непорочное, Божественнаго воплощения;Радуйся, Плененная от Духа Свята, Своею волею.Радуйся, Соцарствующая Сыну Своему, Христу Богу нашему;Радуйся, Каменю драгий, в чертозех Единосущныя Троицы.Радуйся, Пресвятая Дево, oбители Молченския радосте и утверждение.Кондак 4Мост к небеси воистину явися икона Молченская: мнози бо притекающе к eя заступлению и видяще знамения милости Господней от нeя источаемыя, покаяние обретаху и тако жизни нескончаемей причастницы быша, поюще Богу: Аллилуиа.Икос 4Дева днесь на небесех ликовствует, зря икону Свою любовию лобызаему. Сего ради неоскудно подает Пречистая велию милость чтущим ю и верою взывающим таковая:Радуйся, Помазание царственное, естества человеческаго;Радуйся, Крыло ветренное, Имже Облако Христос прииде.Радуйся, Уста апостольския, вся концы вселенныя просвещающия;Радуйся, Сосуде избранный и освященный Духом Святым.Радуйся, Приятелище пренепорочное, Безначальнаго Слова Божия;Радуйся, Луно сияющая, во след Солнца Правды Грядущая.Радуйся, Пресвятая Дево, oбители Молченския радосте и утверждение.Кондак 5Волчцы и тернии собраша себе иноплеменницы иногда, иже пришедши со Димитрием Самозванцем во oбитель Молченскую, злоумыслиша противу земли русския, иконы явленныя не устыдишася. Сего ради разори Бог совет нечестивых, молитвами Пресвятыя Богородицы, Ему же вопием: Аллилуиа.Икос 5Велия слава иконы Молченския во вся концы земли русския пройде. Сего ради самодержцы православныя Феодор и Иоанн, Алексий и София, и Петр Великий утвердиша обитель Молченскую во благостоянии, блгодарственно взывающе Богородице таковая:Радуйся, Заступление крепкое, людем благочестивым;Радуйся, Разорение скорое злоухищрений иноплеменных.Радуйся, Наставление свыше, царем православным;Радуйся, Низложение долу, гордыни демонския.Радуйся, миром Божиим люди Своя благословившая;Радуйся, яко Бога – Господа в мир явившая.Радуйся, Пресвятая Дево, oбители Молченския радосте и утверждение.Кондак 6Милость возсия Тобою, Владычице, eгда иконою Своeю град Путивльский и веси oкрестныя от смертоносныя язвы избавила еси, наставляюще сим верныя присно прибегати к Твоему заступлению в бедах и болезнех, вопиюще Богу: Аллилуиа.Икос 6Ангельския силы на небесех непрестанно славословят Тя, Царице: у престола бо Божия предстоиши, венцем небесным украшенная, моляще Сына Своего о спасении душ наших. Темже иконе явленней со страхом покланяющеся, именуем Тя, Пренепорочная, имены таковыми:Радуйся, Скрижале одушевленная, заповедей Божиих;Радуйся, Престоле Агнчий, Емуже предстоят ангели.Радуйся, Кивоте святыни, от Духа приосененный;Радуйся, Законе благодати, перстом Творца написанный.Радуйся, Устрашение грешников, и демонов уязвление;Радуйся, Ликование мучеников, и Церкве украшение.Радуйся, Пресвятая Дево, oбители Молченския радосте и утверждение.Кондак 7Риторы суемудрeннии недоумеваху: како может Пречистая явленною иконою Своeю подавати верным вся просимая? Мы же, Божественным Преданием научаемии, яко честь иконе воздаваемая, на Первообразное восходит. Сего ради, ведуще по Писаниeм, яко и сень Петрова исцеляше верныя, почитаем Лик Твой явленный, вопия Богу: Аллилуиа.Икос 7Како почтим чудотворную икону Молченскую, eюже Пречистая благодать возблагодать дарова людем Своим? Како наречем сей источник исцелений в земле Путивльстей? Немотствует язык воспети небесная словесы земными. Oбаче обретение чтимаго oбраза празднующе, дерзаем взывати Богородице таковая:Радуйся, Горо таинственная, превыше житейских помышлений;Радуйся, Воззвание изгнанных, правды ради Царствия Небесного.Радуйся, Лествице мысленная, Еюже людие горе восходят;Радуйся, Богосветлый Светильниче, от Него же Сын возсия.Радуйся, Богоносная Ниво, на Нeйже Древо Жизни произрасте;Радуйся, Благословение Христово, священству новому.Радуйся, Пресвятая Дево, oбители Молченския радосте и утверждение.Кондак 8Неоскудеваемый источник благодати явися чтимый образ Богоматере Молченския, от пресвитера путивльскаго многи леты хранимаго безбожных ради, иже паки разориша люто обитель Молченскую. Ныне же новомученицы земли Российския и исповедницы oбители Молченския поминающе, со умилением лобызают иноцы икону сию, вопиюще Богу: Аллилуиа.Икос 8О, торжество новое! О, празднество светлое: се собрашася во второе обретение чтимаго oбраза архиереи и священницы, иноцы и простии, иже с пением перенесоша икону явленную из Соборныя церкви путивльския во oбитель Молченскую, вопия Богородице таковая:Радуйся, Руно Давидово, на него же Слава Отча сниде;Радуйся, Стамно златая, из Нeя же Христос произыде.Радуйся, Тобою бо изгнася во вселенней тьма идольская;Радуйся, Тобою бо возсия верным Свет Разума.Радуйся, херувимов и серафимов Воеводо честнейшая;Радуйся, вознесением Своим на небо, Илию превзошедшая.Радуйся, Пресвятая Дево, oбители Молченския радосте и утверждение.Кондак 9Притецем, людие, к Богоневесте Владычице: Мати бо истинная воплощеннаго Сына Божия явилася eси: се, неизреченно в лоне Ея, аки в горниле небеснем, неслитно и нераздельно соединишася два eстества Христовы, от Него же Церковь, питием новым в жизнь вечную напаяема, вопиет Богу: Аллилуиа.Икос 9Воистину, спасительна есть обитель Молченская, имуще заступлением икону явленную Твою, Богородице. В ней же иноцы, мир суетный оставиша, Царствия ради Христова, подвигом веры, поста и молитвы подвизашеся, присно приносят Непорочней похвальная. С ними же и мы возопиим Богородице таковая:Радуйся, Ключу Христов, Имже врата Рая открышася;Радуйся, Венче Святый, Троицы eдиносущныя.Радуйся, Звездо утренняя, Свет Невечерний родившая;Радуйся, Лампадо теплая, во тьме мира сего сияющая.Радуйся, Правило веры, благочестию наставляющая;Радуйся, Игумение пречудная, воинства небеснаго.Радуйся, Пресвятая Дево, oбители Молченския радосте и утверждение.Кондак 10Воспевают Тя, Пресвятая Дево, патриарси и пророцы, мученицы и безсребреницы, священницы и бельцы. Аще бо не Ты, Владычице, то коликих бед избегли бы тогда? Коликих слез более пролияху людие в горести своей? Сих удалишася, ублажает Тя род человеческий, поюще Богу песнь: Аллилуиа.Икос 10Тайно eсть Рождество Твое Дево, от неплодных Иоакима и Анны. Тайно явление Лика Твоего на древе близ блата Молченскаго. Тамо неплодныя детородители содеваются, зде же пустынныя души к плодоношению духовному уготовляются, во eже звати Ти таковая:Радуйся, Ево новая, новаго Адама родившая;Радуйся, Реко благодати, в раю Божием текущая.Радуйся, Тишино смущенных и Пристанище обуреваемых;Радуйся, Росо Божия, душевныя пустыни орошающая.Радуйся, Неусыпная Ходатаице, взыскующих спасения;Радуйся, Оградо несокрушимая, Церквe православныя.Радуйся, Пресвятая Дево, oбители Молченския радосте и утверждение.Кондак 11О, Божественнаго снисхождения! О, чудесе любве Божия! Рабу бо Свою Бог Материю Света содела, о Нeй же Дух Святый глаголет: «Красуйся и веселися Дщи Сионова, яко к Тебе Аз гряду». Темже верою покланяющеся изображению Лика Твоего, Пречистая, вопием вси Богу песнь: Аллилуиа.Икос 11Дугу новую устави Тя Господь, Пречистая: Мати бо милостивая на небеси и на земли явися Пренепорочная вочеловечением Сына Божия. Сего ради, поюще воплощение Христа Бога нашего, вопием Богородице таковая:Радуйся, Елеоне истинный, из Нея же Христос вознесеся;Радуйся, Ризо златовидная, от Духа сотканная.Радуйся, Заступнице неложная, пред Судией Праведным;Радуйся, Надеждо светлая, воскресения вечного.Радуйся, Дуго живоносная, Слова воплощеннаго;Радуйся, Мирохранительнице новая, Мира неистощимаго.Радуйся, Пресвятая Дево, oбители Молченския радосте и утверждение.Кондак 12Дивное чудо! Благоволила Богородица в лице иконы Своeя в Путивль град приидти из пустыннаго блата Молче. Темже и души наша воззови, Пречистая, из блата греховнаго, да принесем вси песнь о Тебе Богу: Аллилуиа.Икос 12Велие торжество есть второе обретение чтимаго образа Богоматере Молченския: имже, яко омофором, покрывает Богородица град Путивльский и страну Северскую, и всю землю Русскую, о Ней же вопием со умилением таковая:Радуйся, Лозо живая, Божественнаго вертограда;Радуйся, Розо цветущая, девством благоухающая.Радуйся, Избавление конечное, лести идольския;Радуйся, Начаток истинный, Божественнаго возсоздания.Радуйся, Ликование вечное, ангельскаго воинства;Радуйся, Ублажение присное, рода человеческаго.Радуйся, Пресвятая Дево, oбители Молченския радосте и утверждение.Кондак 13О, Всемилостивая Госпоже, Мати Господа и Бога нашего Иисуса Христа и Всесвятая Игумение oбители Молченския! Покрове града Путивльскаго и страны Северския и всeя земли Российския! Нынешнее наше малое сие моление пред святою иконою Твоeю приемше, от всяких бед и напастей свободи рабы Твоя, Богородице. Души наша скоро изведи из блата греховнаго и делами милосердия и любовию Твоeю оживотвори, да всегда благодарно воспоем о Тебе песнь Всещедрому Богу: Аллилуиа.Сей Кондак глаголи трижды, и паки чтется 1-й Икос и Кондак 1-й.МОЛИТВАО, Мати Света, Преблагословенная Богородице Дево, взываю к Тебе в окаянстве моем: не имам бо слез покаянных, ниже сокрушения сердечнаго, ниже вопля душевного о своих беззакониях. Токмо Тебе в надежде предстою, явленней на блате Молченстем иконою Твоeю честною, и смиренно молю: вниди и во блато греховное моея души и во источник чистыя веры претвори, взыди на ветхое древо моего мудрования, и новой порослью добрых дел соделай, слепоту мою душевную светом благодати осияй, сокруши камень сердца моего, и во благоуханный воск свещи горящия любовию премени, да яко добрый бортник услышу ушесами отверстыми моея души повеление сотворити в себе храм Твой, Всечистая, совершая хвалу Тебе, Досточудная, во веки веков. Аминь .Величание:Величаем Тя, Пресвятая Мати Христа Бога нашего, от блата Молче иконою Своeю возсиявшая и люди, чтущия oбраз Твой святый от бед избавляющая.Празднование 18 сентября/1 октября и 24 апреля/7 маяСуществует иной акафист Молченской иконе Пресвятой Богородицы, который читается в московском храме преп.Сергия Радонежского в Бусиново (там есть чудотворная Молченская икона).

Читайте также:  Православный праздник усекновение главы пророка, предтечи и крестителя господня иоанна - 11 сентября 2018 года - православные молитвы

Сей акафист тойже Молченской иконе, читается в Путивльском Молченском Печерском монастыре и в Молченской Софрониевой пустыни — месте, где 18 сентября 1405 г. эта икона первоначально явилась.

Акафист составлен современным церковным гимнографом архиепископом Ионофаном (Елецких) в 1995 г.

в память второго обретения Молченской иконы, во в то время, когда владыка Ионофан занимал Глуховскую кафедру.

http://akafist.narod.ru/B/Molchenskaya_in.htm

Источник: http://oprelesti.ru/index.php/kakim-svyatym-molitsya-ob-istselenii-ot-prelesti/416-molchenskaya-ikona-bozhiej-materi

Икона Божией Матери Путивльская

Глас 4

Днесь светло красуется древний град Путивль,/ поминающе славное чудо Пресвятыя Богородицы:/ древле бо икона Ея/ на вратех Никольских яко звезда пресветлая возсия,/ души всех к ней притекающих дивным светом озари. / Тем верою и любовию Владычице вопием:/ спаси град Свой и люди.

Глас 4

Необоримая Заступнице земли Путивльския,/ от враг иноплеменных и лютых/ и Избавительнице Милостивая/ язвы смертоносныя./ Избави рабы Твоя всяких бед и скорбей,/ верою и любовию чудотворней иконе Твоей припадающия,/ и спаси, Благая, души наша.

Кондак 1

Возбранной Воеводе и Всемилостивей Госпоже и Владычице/, преславней Заступнице града Путивльскаго/ и всех христиан Упованию/, приидите вернии похвальная пения принесем/, честную икону Ея лобызающе/ и умиленною душею вопиюще:  Радуйся Одигитрие Путивльская, в Царствие Небесное наша преславная Путеводительнице.

Икос 1

Архангел Гавриил послан бысть с небесе, во еже рещи Богородице Радуйся, и людие путивльстии радовахуся, явление лика Ея пресветлаго на вратех града своего зряще, ликовствоваху же вопиюще той сице:  Радуйся, корене Давидова отрасле преславная:  Радуйся, праведными Иоакимом и Анною воспитанная.

  Радуйся, во храме Божием чистотою и смирением просиявшая:  Радуйся, пророческая словеса преславно исполнившая.  Радуйся, Адама и Евы тьмы адовы избавльшая:  Радуйся, светом Сына Твоего весь мир осиявшая.  Радуйся, всех верных жизни вечныя сподобляющая,  Радуйся окаянных демонов козни разрушающая.

  Радуйся, путь незаблудный, еже ко спасению показующая:  Радуйся, бездны греховныя изымающая.  Радуйся Одигитрие Путивльская, в Царствие Небесное наша преславная Путеводительнице.

Кондак 2

Видяще чудеса и знамения от святых икон Твоих, Владычице, бываемыя, прославляем Тя, сих Подательницу, и Сына Твоего славословим, вопиюще Богу: Аллилуиа.

Икос 2

Разум человеческий тайну Боговоплощения постигнути не может, и уста наша славу и величие Царицы Небесныя изглаголати недоумеют; обаче сердце сокрушенно, еже Бог не уничижит, вопиет Той таковая:  Радуйся, смирения и кротости преславная Наставнице:  Радуйся, рода христианскаго первейшая Заступнице.  Радуйся, Владычице, иконы Своя нам преславно являющая:  Радуйся, чтущим я скоро помогающая.  Радуйся, Света незаходимаго Родительнице:  Радуйся, всем Тому последующих благая Путеводительнице.  Радуйся, грабителей храмов Божиих наказующая:  Радуйся, о благолепии Домов Божиих радеющих благословляющая.  Радуйся, Херувимов несравненно честнейшая:  Радуйся, Серафимов воистину славнейшая.  Радуйся, всех скорбящих неизреченная радосте:  Радуйся, благоговейных монахов и пресвитеров сладосте.  Радуйся Одигитрие Путивльская, в Царствие Небесное наша преславная Путеводительнице.

Кондак 3

Сила Божия осени древле град Путивльский, егда икона Твоя, Владычице, на вратех Никольских дивным светом просия, и множество чудес от нея источися. Тем же и ныне нас не забуди, Премилостивая, вопиющих Ти: Аллилуиа.

Икос 3

Имуще преславный образ Твой, Приснодево, град Путивльский радуется, и вся земля Русская вкупе с ним торжествует, пришествие Твое во иконе дивней славяще, убогими же языки дерзающе пети сицевая:  Радуйся, землю Русскую крепце возлюбившая:  Радуйся, храмы и обители имене Своего зде во множестве насадившая.  Радуйся, помощь во бранех воинству нашему подающая:  Радуйся, агарян конечне посрамляющая.  Радуйся, умы верных пети во славу Твою воздвизающая:  Радуйся, и несмысленная тожде творити научающая.  Радуйся, правителей нечестивых вразумляющая:  Радуйся, сирым и странным помогающая.  Радуйся, демонов силою Своею устрашающая:  Радуйся, кающихся грешников во брани духовней укрепляющая.  Радуйся, души наша ко Господу возводящая:  Радуйся, телесныя язвы наша врачующуя.  Радуйся Одигитрие Путивльская, в Царствие Небесное наша преславная Путеводительнице.

Читайте также:  Как и когда рассказать и объяснить детям о боге в православии - православные молитвы

Кондак 4

Буря смущения душевнаго в верных путивлечах воздвижеся, егда татарове окаяннии, а послежде и свее, ко граду их приступиша, погубити тех тщащеся; Ты же, Владычице, чрез икону Свою, град Путивль от поганых защитила есть, воздвизая спасенных благодарне вопити: Аллилуиа.

Икос 4

Слышаша людие российстии весть о чудесех и знамениях, чрез икону Твою, Богородице, бываемыя, притекаху во град Путивль, образ честный лобызающе, и Тебе, истинней чудесем Виновнице взываша:  Радуйся, граждан путивльских от татар и свеев избавление:  Радуйся, агарян беззаконных конечное посрамление.

  Радуйся, смертоносныя заразы скорое от нас отгнание:  Радуйся, благодати Божия преславное призвание.  Радуйся, оградо несокрушимая, всем спасения чающим:  Радуйся, столпе и утверждение всем право в Тя верующим.

  Радуйся, отрадо чистым сердцем Сыну Твоему работающим:  Радуйся, утешение всем, о гресех своих плачущим.  Радуйся, успокоение во обителех Твоих живущим:  Радуйся, наградо, благолепие храмов Божиих любящим.

  Радуйся, исцеление душевное и телесное подающая просящим:  Радуйся, воздаяние скорое, милостыню творящим.  Радуйся Одигитрие Путивльская, в Царствие Небесное наша преславная Путеводительнице.

Кондак 5

Боготечную звезду узревше волсви, достигоша Царя Славы, яко Младенца в яслех лежаща. Тем же и нас, убогих, иконам Твоим, Приснодево, припадающих, к познанию Сына Твоего направи, да спасение улучивше, воспоем: Аллилуиа.

Икос 5

Видяще лествицу в деснице Твоей, Богоневесто, тайну снизшествия Сына Твоего к нам грешным разумеем.

Ты же, превыше Херувим превознесенная, и паче Серафим прославленная, возведи души наша горе, да Горняго Иерусалима достигше, взывати Ти сице начнем:  Радуйся, Лествице мысленная, Иаковом древле виденная:  Радуйся, Стамно златая, манны исполненная.

  Радуйся, Иосифу праведному обрученная:  Радуйся Гавриилом Архангелом обрадованная.  Радуйся, Кадильнице благоухающая, Духа Свята исполненная:  Радуйся, Лампадо пресветлая, благодатиею Божией возжженная.  Радуйся, Трапезо, Хлеб Живота вечнаго имущая:  Радуйся, Чаше златая, Невместимаго вместившая.

  Радуйся, Молитвеннице неустанная, Сына Своего о нас молящая:  Радуйся, Ходатаице пред Тем благая, прощение нам скоро подающая.  Радуйся, Звездо утренняя, во тьме греховней сияющая:  Радуйся, Луно пресветлая, Солнцу правды предшествующая.  Радуйся Одигитрие Путивльская, в Царствие Небесное наша преславная Путеводительнице.

Кондак 6

Проповедует вся земля русская заступничество Твое за род человеческий пред Сыном Твоим и Господем нашим, Владычице Небесная, ни един бо, с верою к Тебе притекаяй, тощ отыде. Тем же молимся Тебе: пробави милость Свою всем иконы Твоя чтущим, Богови же вопиющим: Аллилуиа.

Икос 6

Возсиявый древле на вратех Путивльских образ Твой, Приснодево, радости неизреченныя даже до днесь сердца наша исполняет; радость же сию никтоже николиже возьмет от нас, тем вопием со умилением сице:  Радуйся, явлением Архангела не устрашенная:  Радуйся, названием от того благодатной почтенная.

  Радуйся, великия чести, во еже быти Материю Господа удостоенная:  Радуйся, от Духа Свята приосененная.  Радуйся, праведною Елисаветою благословенною в женах нареченная:  Радуйся, и младенцем Предтечею приветствованная.

  Радуйся, в убозем вертепе Царя Славы Родившая:  Радуйся, от пастырей и волхвов поклонение Сыну Своему лицезревшая.  Радуйся, словами праведнаго Симеона во храме опечаленная:  Радуйся, со смирением волю Божию приемшая.

  Радуйся, спасения ради Богомладенца во Египте сокрывшаяся:  Радуйся, до умертвия иродова тамо пребывшая.  Радуйся Одигитрие Путивльская, в Царствие Небесное наша преславная Путеводительнице.

Кондак 7

Хотяще достойно ублажити Тя, Приснодево, людие благочестивии пения и песни духовныя на похвалу Твою приносити тщатся. Тем же и мы, обаче и недостоинство свое разумеюще, дерзаем вопити Тебе: Аллилуиа.

Икос 7

Новыя чудесы иконою Своею явила еси нам, Владычице, егда многажды Путивль град, вкупе с селении близлежащими, во времена мора лютаго от конечнаго истребления свободила есть; людие же путивльстии, смерти избегше, благодарно возопиша Тебе сице:  Радуйся, на браце в Кане у Сына Своего чудо испросившая:  Радуйся, и ныне всем прибегающим к Тебе помогающая.  Радуйся, всеми роды доныне ублажаемая:  Радуйся верными присно превозносимся.  Радуйся, с Сыном Своим даже до смерти Его на Голгофе пребывшая:  Радуйся, сбытие проречения Симеонова тамо узревшая.  Радуйся, весь род человечь при Кресте Господнем усыновившая:  Радуйся, Начальника Жизни в Гефсимании во гроб положившая.  Радуйся, прежде всех явлением Воскресшаго Господа обрадованная:  Радуйся, вкупе со Апостолы снитием Духа Святаго почтенная.  Радуйся, на святую гору Афонскую токмо ступивши идолы сокрушившая:  Радуйся, тую в жребий Себе избравшая.  Радуйся Одигитрие Путивльская, в Царствие Небесное наша преславная Путеводительнице.

Кондак 8

Странно есть безбожником и еретиком окаянным зрети знамения милости Господней, яже чрез святыя иконы Богородицы верным неоскудно подаются; мы же, православнии, имуще Таковую Заступницу, вопием Рождшемуся от Нея: Аллилуиа.

Икос 8

Вси концы земли русския прославляют ныне Матерь Божию, Той бо воистину похвала подобает, яко Заступнице усердной рода христианского, Сей же и мы днесь любовию пения таковая принесем:  Радуйся, иконы Своя чтити благословившая:  Радуйся, веру чтущих я николиже посрамившая.

  Радуйся, весть о скором Успении Своем от Гавриила приемшая:  Радуйся, к Сыну Своему душею и телом возшедшая.  Радуйся, пред Успением Своим пришествием Апостолов обрадованная:  Радуйся, собравшихся при одре Твоем утешавшая.

  Радуйся, в третий час дне от мира сего отшедшая:  Радуйся, в руце Божественнаго Сына Твоего душу Свою предавшая.  Радуйся, яко тело Твое тления не познало есть:  Радуйся, яко душа Твоя в селения горняя вознеслася есть.

  Радуйся, чрез тело Свое и по Успении врачевания подававшая:  Радуйся, безумие жидовина Авфония чудесне обличившая.  Радуйся Одигитрие Путивльская, в Царствие Небесное наша преславная Путеводительнице.

Кондак 9

Всяк, верою иконы Твоя, Владычице, почитаяй, просимое, еже ко спасению, от Тебе скоро приемлет. Мы же, маловернии, аще и милости Твоей грех наших ради недостойнии, дерзаем взывати Ти: Аллилуиа.

Икос 9

Ветия хитрословесныя умолкают, не может бо язык человечь всю славу Твою, Владычице поведати, разум же земнородный, грехом помраченный, всю тайну домостроительства спасения нашего, чрез Тебе бывшую, вместити не может.

Обаче дерзаем взывати Ти сицевая:  Радуйся, Рождеством Своим мирови радость возвестившая:  Радуйся, и во Успении Своем никогоже опечалившая.  Радуйся, три дня и три нощи при гробе Твоем от Апостол славословимая:  Радуйся, и от Ангел даже до днесь присно хвалимая.

  Радуйся, слезы Фомины чудесне осушившая:  Радуйся, всем Апостолом преславно по Успении Себе явившая.  Радуйся, во смирении глубоцем весь живот свой проводившая:  Радуйся, тому же многия научившая.  Радуйся, Пренепорочная, от чрева Твоего плоть и кровь Сыну Божию давшая:  Радуйся, теми причащатися ны призывающая.

  Радуйся, превыше всех святых и праведник поставленная:  Радуйся, и превыше сил небесных превознесенная.  Радуйся Одигитрие Путивльская, в Царствие Небесное наша преславная Путеводительнице.

Кондак 10

Спасти хотяще от поганых град Путивльский, на страже земли русския стоящь, древле явила еси в нем предивный образ Свой, Обрадованная, ему же и ныне верою притекающе и любовию лобызающе, просимая получаем, вопиюще Богу: Аллилуиа.

Икос 10

Стена еси крепкая воистину, всем спасения чающим, Богородице Владычице: тем же зрим дивныя храмы и честныя обители во имя Твое, Непорочная, по всей земли Российстей воздвизаемая, идеже вернии на молитву собирающеся, присно приносят Ти пения сия:  Радуйся, в Рождестве девство сохранившая:  Радуйся, и во Успении мира не оставившая.  Радуйся, Дево, избранна яко солнце:  Радуйся, Владычице добра, яко луна.  Радуйся, чистых дев венец лучший имущая;  Радуйся, благодатных жен превосходящая.  Радуйся, у Креста Сына Твоего более всех мученик пострадавшая:  Радуйся, ублажение Свое от всех родов предзревшая.  Радуйся, во Успении Твоем славу превышшую всех преподобных стяжавшая:  Радуйся, и беззребренники цельбы Своими превозшедшая.  Радуйся, книго Слова Ипостаснаго:  Радуйся, Святая Святых большая.  Радуйся Одигитрие Путивльская, в Царствие Небесное наша преславная Путеводительнице.

Кондак 11

Пения нашего не возгнушайся, Непорочная, аще бо и убогими усты и скверным языком приносится, но яко Мати еси всем, иже христианы нарицаются, не отрини нас грешных, имуще бо печать святаго Крещения, дерзаем взывати Рождшемуся от Тебе: Аллилуиа.

Икос 11

Светоприемную свещу зрим икону Твою, Всеблаженная, во граде бо Путивле древле паче солнца чувственнаго возсия, яко истинная Одигитрия, путь ко спасению всем, онаго чающим, показующи, всех вопити воздвизающе сице:  Радуйся, яко словес, имиже достойно хвалити тя не обретаем:  Радуйся, яко Тобою Царствия Небеснаго достигнути чаем.  Радуйся, из глубины греховныя нас воздвизающая:  Радуйся, к зрению спасения сердечныя очи наша просвещающая.  Радуйся, яко под Твою милость вернии притекают:  Радуйся, яко вси в Тебе помощь обретают.  Радуйся, руно Гедеоново орошенное:  Радуйся, жезле Ааронь прозябший.  Радуйся, ковчеже Завета, Духом Святым осененная:  Радуйся, радуго многоцветная, добродетельми сияющая.  Радуйся, яко утро проницающая:  Радуйся, яко молния благодатию блистающая.  Радуйся Одигитрие Путивльская, в Царствие Небесное наша преславная Путеводительнице.

Кондак 12

Благодать людем Своим дати восхотевше, Пренепорочная, присно иконы Твоя по всему лицу земли прославляеши еси, Богородице: едину же от сих, иже Путивльская именуется, обстояще ныне, вопием Ти: Аллилуиа.

Икос 12

Поюще чудеса Твоя, Всемилостивая, проповедуем от Тебе Рождшагося, ублажаем на земле Тебе послуживших, умоляем ненавидящих имя Твое, да покаются и зловерие свое да отвергнут; знамения же, от святых икон Твоих бываемая, воздвизают всех вопити Ти таковая:  Радуйся, небесе и земли преславная Царице:  Радуйся, чистоты образе, непорочная Голубице.  Радуйся, родителей неплодных предивное прозябение:  Радуйся, безбожник и агарян великое посрамление.  Радуйся, клятву древнюю разрушившая:  Радуйся, Адама и Еву тли смертныя свободившая.  Радуйся, яко с Рождеством Твоим заря искупления восходит:  Радуйся, яко Тобою нощь греха конечне преходит.  Радуйся, Пресвятому Духу уневестившаяся:  Радуйся, чрез все время живота Своего Христу Богу нашему трудившаяся.  Радуйся, Господем яко венец рода человеча избранная:  Радуйся, преизобильно Духом Святым помазанная.  Радуйся Одигитрие Путивльская, в Царствие Небесное наша преславная Путеводительнице.

Кондак 13

О, Владычице наша,/ не напрасно Одигитриею именуемая,/ нынешнее наше малое молебное пение не отвергни,/ иже пред иконою Путивльскою Тебе приносится!/ Управи ны грехми ослепленныя/ в Царство Сына Твоего, Христа Бога нашего,/ идеже вкупе со всеми святыми возопием Ти:/ Аллилуиа.

Сей Кондак глаголи трижды, и абие по прочтении его паки глаголи Икос и Кондак 1-й

Молитва

О, Пресвятая Дево, Владычице наша Богородице! Ты еси первая наша Молитвеннице и скорая к Богу Ходатаице! Услыши ны, грешныя чада Твоя, в беззакониях погибающия, не отвратися от нас за премногия грехи наша, имиже мы на кийждо день и час Сына Твоего паки распинаем, и Тебе, Матерь Всемилостивую, аки на Голгофе паки страдати понуждаем.

Осияй ны светом славы Твоея, да вся грехи наша окаянныя увидим и искоренити потщимся. Ты, Госпоже, древле град Путивль от полков поганых избавившая, и ныне нас от полчищ бесовских, иже на ны люто нападают, милостию Твоею свободи.

Путеводствуй ны ко спасению, да сподобимся вкупе со всеми святыми, от века Богови благоугодившими славити и воспевати на небесех Рождшагося от Тебе, и Твое имя величати во веки веков. Аминь.

Источник: http://rublev.com/ikony/ikona-bozhiei-materi-putivlskaia/molitvy

Ссылка на основную публикацию