Акафист и молитва к празднику преображения господня — православные молитвы

Молитва первого спаса

Данная статья содержит: молитва первого спаса — информация взята со вcех уголков света, электронной сети и духовных людей.

Возбранный Воеводо и Господи, человеческаго естества дивный Создателю, услыши наша моления с высоты Престола Славы Твоея:

Иисусе, Врачу Всемогущий, исцели души и телеса наша.

Архангел и Ангел множество на служение Себе сотворивый, человека для наследия Царствия Небеснаго из персти земныя воздвигл еси и его же более всего возлюбил еси, Всемилостивый Господи. Мы же, познавая любы Твою неизреченную, яко чада Твоя, взываем Ти:

Иисусе, в чудный свет нас воззвавший, дай нам вечно с Тобой пребывати.

Иисусе, быть сынами Творца нас призвавший, дай нам присно Его воспевати.

Иисусе, от грехов нам подай исцеление, в коих мы запятнали себя.

Иисусе, в день всеобщаго воскресения дай нам стать одесную Тебя.

Иисусе, Врачу Всемогущий, исцели души и телеса наша.

Видев погибель всего рода человеческого, восхотел еси, Отче, спасти е, тако бо возлюби мир, яко и Сына Своего Единороднаго, Иисуса Христа, послати изволил еси нам во спасение, Ему же поем: Аллилуиа.

Разумом небесным творение Свое наделил еси, Всеблагий Господи, да достойно Тебе песнь хвалы и благодарения воспевая, во Царствии Твоем Небеснем пребывает. Мы же, грехми порабощенныя, в немощи разума своего пребываем. Тем же молим Тя, скудоумие наше благодатию Своею восполни, да познаем, яко есмы подобие Твое, и достойными чадами Твоими будем. Сего ради приими от нас моления сия:

Иисусе, сотворивый телеса наша, воеже им быти храмами Божиими, очисти их от всякия скверны.

Иисусе, в телеса наша дух жизни вдохнувый, паки Духом Святым освяти я.

Иисусе, души наша безсмертными создавый, от грехов смертных избави ны.

Иисусе, разумом светлым нас наделивый, изгони тьму из сердец наших.

Иисусе, Врачу Всемогущий, исцели души и телеса наша.

Силою Божественною укрепляемии, не отчаяваем своего спасения, многогрешнии, обаче на Тебе Единаго надежду возлагая, умиленно поем Ти: Аллилуиа.

Имея безмерное благоутробие, вниди в сердца наша и жилище их Себе сотвори, да пребывая купно с Тобою, познаем всею душею и всем помышлением своим, яко Ты еси Бог кающихся и вся Тебе возможна суть. Темже вопием Ти таковая:

Иисусе, сотворивый очеса наша, даждь нам ними в чистоте на Тя взирати.

Иисусе, сотворивый ушеса наша, даждь нам ними сладостный глас Твой слышати.

Иисусе, сотворивый уста наша, даждь нам ними неустанно Тебе восхваляти.

Иисусе, сотворивый вся чувства наша, дождь нам ними в Тебе Единем всю полноту жизни ощущати.

Иисусе, Врачу Всемогущий, исцели души и телеса наша.

Бурями скорбей истомленныя, к Твоему Божественному заступлению притекаем, Спасе наш. Укрепи слабыя силы наша, да возможем остаток жизни нашея крест свой безропотно нести, восхваляя Тебя: Аллилуиа.

Слыша бесконечныя рыдания наша, яко другом Твоим реки нам, Господи: «Не плачите, возлюбленнии Мои, не оставлю бо вас без попечения Своего, но паки исцелю вас от всякия болезни и скорби». Сего ради, обетованием таковым обрадовании, взываем Ти:

Иисусе, Свете истинный, светом Богопознания Твоего просвети нас.

Иисусе, Боже Живый, сподоби нас жизни вечныя.

Иисусе, давый нам Тело Свое в пищу нетленную, насыти алчущие души наша.

Иисусе, на кресте страдавый за нас, Кровию Своею уврачуй раны душ наших.

Иисусе, Врачу Всемогущий, исцели души и телеса наша.

Пребезначальней Троице покланяяся, смиренно молим Тя, Христе наш, умоли за ны грешныя Отца Своего Небеснаго, да Духа Своего Святаго не отнимет от нас, Ему же воспеваем: Аллилуиа.

Видя, яко паки и паки милости Своя на нас изливаеши, ихже недостойни есмы, обаче милосердием и долготерпением Твоим удивляемии, вопием Ти:

Иисусе, вемы, яко немощнии и нерадивии есмы, обаче и помощи у Тебе неустанно испрашиваем.

Иисусе, вемы, яко жестокосердии и жестоковыйнии есмы, обаче и страждем зело от недугов сиих.

Иисусе, вемы, яко паки и паки многажды пред Тобою согрешаем, обаче и слезное покаяние приносим Ти.

Иисусе, вемы, яко на пути сем падаем каждодневно, обаче и силою Твоею восстаем от падений наших.

Иисусе, Врачу Всемогущий, исцели души и телеса наша.

Хотя спасти нас от погибели вечныя, Сына Своего Единороднаго за спасение наше в жертву принесл еси, Отче наш. Исцели же благодатию Своею души и телеса наша, ныне греховною проказою пораженныя, да возможем еще зде, на земли, достойно Тебе славити: Аллилуиа.

Возсияй свет Свой невечерний, Господи, в душах наших, да просвещении ним, во свете заповедей Твоих ходити возможем, воеже не согрешати нам пред Лицем Твоим и пети Тебе тако:

Иисусе, Любы неизреченная, любовию своею согрей хладныя сердца наша.

Иисусе, Свете тихий, немерцающим светом Своим облистай помраченныя души наша.

Иисусе, Сладосте небесная, благодатию Своею услади все естество наше.

Иисусе, Владыко всещедрый, щедротами Своими исполни жизни наша.

Иисусе, Врачу Всемогущий, исцели души и телеса наша.

Хотя проявити величие любве и милосердия Твоего, Господи, на земли Плотию Своею пребывая, многия грешники и мытари к покаянию привел еси. Мы же, яко мытарь вопием Ти: «Боже, милостив буди нам грешным!», и надеяся на велие милосердие Твое, взываем: Аллилуиа.

Новую показал еси на нас тварь, Иисусе, егда крещением Твоим от первороднаго греха нас избавил еси. За таковое благоволение Твое к роду нашему, восхваляем Тя:

Иисусе, славим неизреченное человеколюбие Твое.

Иисусе, восхваляем велие милосердие Твое.

Иисусе, ублажаем спасительныя страдания Твоя.

Иисусе, благодарим за вся щедроты Твоя.

Иисусе, Врачу Всемогущий, исцели души и телеса наша.

Дивно и странно бысть нам неизреченное милосердие и попечение Твое о нас, Человеколюбче. Мы же, ведая немощи и слабости своя, со слезами молим Тя: потерпи еще на нас, Милостиве, и аще обретохом благодать пред Тобою, не мини нас, раб Твоих, вопиющих Тебе: Аллилуиа.

Весь желание и сладость наша Ты еси, Христе Боже наш, коими укрепляем и услаждаем души и телеса наша. Сего ради поем Ти:

Иисусе, Ты еси наша Радосте и Отрадо.

Иисусе, Ты еси наша Нежносте и Усладо.

Иисусе, Ты еси наша Славо и Укрепление.

Иисусе, Ты еси наша Сило и Заступление.

Иисусе, Врачу Всемогущий, исцели души и телеса наша.

Всякое естество человеческое, исцеленное Тобою от всякия немощи и болезни, благодарно восхваляет Тя, Врачу Всемогущий, и, познавши, яко сила Божия в немощи нашея совершается, вопиет Тебе умильно: Аллилуиа.

Витии Боголюбивии, аще и премного глаголют о Тебе, обаче не возмогут достойно прославити велию силу чудес Твоих, Господи, имиже и кровоточивую от болезни ея исцелил еси, и Четверодневнаго Лазаря от мертвых воздвигл еси, таяжде и дщерь Иаирову со одра смертнаго паки возвел еси и еще многая исцеления сотворил еси. Мы же, все сие добре ведуще, вопием Ти сице:

Иисусе, расслабленнаго от одра воздвигший, воздвигни от грехов и души наша.

Иисусе, слепорожденному зрение отверзший, отверзи и наша очи духовныя.

Иисусе, сына вдовы Наиновой воскресивый, воскреси и наша добрая помышления.

Иисусе, Авгарю от страшныя болезни исцеление даровавый, даруй и нам исцеление от всех болезней наших.

Иисусе, Врачу Всемогущий, исцели души и телеса наша.

Спасти хотяй вся верующия в Тебя, на небеса возшел еси, Христе Спасе, да уготоваеши место им во Царствии Своем. Сего ради, сподоби и нас, по смертнем отшествии нашем, обрести Отчий дом на небеси, в немже Тебе славити возможем: Аллилуиа.

Царю Предвечный, Иисусе Христе, спасения нашего ради восприявый плоть от Пречистыя Девы Марии, и Божеством Своим освятивший ея, такожде и наши греховныя плоти Божеством Своим освяти, да благодарно вопием Тебе таковая:

Иисусе, руцы наша очисти, да делами добрыми прославим Тя.

Иисусе, нози наша укрепи, да во след Тебе с веселием потечем.

Иисусе, мысли наша уцеломудри, да во славу Твою жизни наша поживем.

Иисусе, души наша умири, да возлюбим вся рабы Твоя.

Иисусе, Врачу Всемогущий, исцели души и телеса наша.

Пение всеумиленное приносим Тебе, Сладчайший Иисусе наш, Твое велие благоволение к нам восхваляя и, покланяющеся Тебе, со смирением и любовию зовем: Аллилуиа.

Читайте также:  Что такое священническая епитрахиль и зачем она нужна? - православные молитвы

Свет велий и Божественный возсияй в душах наших, Подателю вечныя жизни, ним же просвещаемии, достигнем Царствия Небесного и, яко апостоли на горе Фаворстей, воскликнем Тебе: «Добро нам зде быти!» Ныне же приими моления наша:

Иисусе, прости вся согрешения наша. Иисусе, приими сокрушенная покаяния наша.

Иисусе, в небесныя обители всели души наша.

Иисусе, в воскресении всеобщем преобрази телеса наша.

Иисусе, Врачу Всемогущий, исцели души и телеса наша.

Благодать Твою подаждь нам, Иисусе Боже наш, юже еще зде на земли даровал еси возлюбленным учеником Твоим. Приими исповедание грехов наших, услыши воздыхания наша, ниспосли нам Духа Твоего Святаго, да очищении Ним, сподобимся звати к Тебе на земли, якоже взывают к Тебе Ангели на небеси: Аллилуиа.

Поюще Твое неизреченное человеколюбие, покланяемся величию дел Твоих, Христе, и с верою и любовию припадая ко стопам Твоим, яко Всемогущему Врачу душ и телес наших, вопием Ти:

Иисусе, Творче наш, сотвори нас наследники Царствия Твоего.

Иисусе, Спасе наш, спаси нас от вечныя муки.

Иисусе, Искупителю наш, от смерти в жизнь вечную искупи нас.

Иисусе, Архиерею наш, спаси вся архиереи Твоя, да на суде Твоем ходатайствуют за нас.

Иисусе, Врачу Всемогущий, исцели души и телеса наша.

О, Пресладкий и Всещедрый Иисусе, воззри с любовию от Небеснаго престола Твоего на ны немощныя и изможденныя ранами душевными и телесными.

Приклони милостивно слух Твой к слезным мольбам нашим и исцели ны спасительными Твоими страданьми от всякия болезни душевныя и телесныя, да восстав от болезненнаго одра нашего, в Церковь Твою Святую внидем, воспевая Тебе выну: Аллилуиа. Аллилуиа. Аллилуиа.

Сей Кондак читается трижды, затем Икос 1 и Кондак 1.

Молитва Всемилостивому Господу – Врачу душ и телес наших

О, Всесильный и Всемогущий Врачу душ и телес наших – Господи Иисусе Христе! Услыши ныне слезныя моления всех раб Твоих, в недугах тяжких пребывающих и на Тебе Единаго надежду на исцеление свое возлагающих. Вемы бо, Господи, тамо идеже не возможет рука человеческая исцеление и ослабу нам подати, Ты возможешь е совершити, ибо несть ничто возможно Тебе.

Во власти Твоей, сотворившаго души и телеса наша, и спасение наше. Тем же молим Тя, Всемилостиве, аще есть воля Твоя святая, исцели коегождо от душевнаго и телеснаго недуга его и, коими веси судьбами, восстави пораженное болезнию естество наше.

Наипаче же просим Тя, прости нам вся согрешения наша, да очистившись покаянием, возможем чистыми душами воспевати Тебя со Твоим Небесным Отцем и Святым Духом, во веки веков. Аминь.

Читать другие акафисты раздела «Православные акафисты»

Источник: https://xn—-9sbewbkihfjfskz.xn--p1ai/molitva-pervogo-spasa/

Акафист Успению Пресвятой Богородицы

Акафист Успению Пресвятой Богородицы4 (80%) 2 голос.

Оглавление:

  • акафист
  • молитва
  • тропарь
  • кондак
  • задостойник
  • величание

Кондак 1

Избранной от всех родов Божией Матери и Царице, восходящей от земли к небеси, благоговейная пения о пречестнем Твоем успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти:

Радуйся, Обрадованая, во успении Твоем нас не оставляющая.

Икос 1

Ангел предстатель послан бысть рещи Богородице ко премирным Ея возшествие и приити предъявляше к Ней Сыну Ея и Богу, светло о Ней блистаяся и стоя, зовый таковая:

Радуйся, прерадованная Мати Царева; радуйся, Небесная Царице, Мати Бога и Господа небесе и земли.

Радуйся, предпочтенная превеличеством пришествия к Тебе Сына Твоего и Бога; радуйся, возвеличенная извещением Твоего к Сыну отшествия.

Радуйся, от всех родов Богом избранная; радуйся, святое вместилище Слова Божия.

Радуйся, пророческаго проречения исполнение; радуйся, апостолом пречестный венче.

Радуйся, святителем украшение и священником доброто; радуйся, правителем удобрение и державо.

Радуйся, богомудрых иноков возведение к горнему Царствию; радуйся, отверзающая райския двери христианскому роду, присно Тя блажащему.

Радуйся, Обрадованая, во успении Твоем нас не оставляющая.

Кондак 2

Видяще апостолов лик, всесильным мановением от конец земли на облацех представших ко пречестному Твоему, Пренепорочная, успению, священноначальницы: Дионисий, небесный таинник, Иерофей дивный и Тимофей с боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия ангельская, приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый:

Радуйся, ко премирным, Мати Творца миру, восходящая; радуйся, к пренебесным, пространнейшая небес, вземлющаяся.

Радуйся, четверочастное стихий освятившая Твоим восхождением; радуйся, небесных возвеселившая Твоим прехождением.

Радуйся, во Иерусалим горний прекрасный приятая; радуйся, в нерукотворенныя храмы прерадостно вшедшая.

Радуйся, херувимов и серафимов Царице; радуйся, архангелов Владычице.

Радуйся, прибежище верных и избавление; радуйся, достоянию Твоему помощь и защищение.

Радуйся, о всем мире христианстем к Богу ходатаице; радуйся, благ всяческих всеблагая подательнице.

Радуйся, Обрадованая, во успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, преставльшуюся приник видети, уразуме вознесенную на небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея успении, сия вопияше к Ней:

Радуйся, восприемлемая от земли дланьма Сына Твоего; радуйся, ко превышним возшедшая наслаждатися славы Его.

Радуйся, провождаемая от всех чиноначалий ангельских в горняя; радуйся, подъемлемая херувимы в небесная и наднебесная.

Радуйся, в небесных вратех от старейших сил велелепно песньми возносимая; радуйся, от всех небесных граждан окружаемая и блажимая.

Радуйся, небо земное, к горнему селению возвышенное; радуйся, престоле Господень, от земли вознесенный в Царствие Небесное.

Радуйся, предстательство наше и крепкое заступление; радуйся, грешником споручнице во спасение.

Радуйся, христианом Царице и по Бозе надеждо Небеснаго Царствия; радуйся, Мати Живота и по Господе нам упование жизни вечныя.

Радуйся, Обрадованая, во успении Твоем нас не оставляющая.

Кондак 4

Бурю внутрь имея Аффоний помышлений неверных и зря богоносными апостолы Богоматере пречестное тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова ангелов, поющих превышними песньми при погребении богоприятнаго тела Божия Матере, и честь подати хотяще богоугодную, потщашася согласно пети, глаголюще:

Радуйся, благовестие приемшая о прешествии Твоем в горнее Царствие; радуйся, от благовестившаго Гавриила приемшая радостнаго рая вравие.

Радуйся, пречестное херувимское множество просветившая; радуйся, преславное серафимское естество возрадовавшая.

Радуйся, от патриархов прообразованная; радуйся, от пророков предвозвещенная.

Радуйся, злую дерзость Аффониеву скоро отмстившая; радуйся, исцеление томужде подавшая.

Радуйся, обратившая в веру Аффониево неверие; радуйся, верное того приемшая исповедание.

Радуйся, возводящая к небеси любовь и веру к Тебе имущих; радуйся, спасающая верою имя Твое призывающих.

Радуйся, Обрадованая, во успении Твоем нас не оставляющая.

Кондак 5

Боготечныя звезды, апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с невеществеными взываху: Аллилуиа.

Икос 5

Видевше боговидцы своего Владыку, в руце Матере Своея душу приемша и, Господа Того разумевше, потщашася священнословия песньми благословне воспети Ю:

Радуйся, Царице, над всеми Царствующаго носившая; радуйся, и Сама рукама Его Сыновнима носимая.

Радуйся, скиптре царский в Христовой деснице; радуйся, в руце Ноя ветвь голубицы.

Радуйся, жезле Ааронов, прозябший нетление; радуйся, крине неувядаемый, процветший безсмертие.

Радуйся, богоотца Давида цевнице богодохновенная; радуйся, пророчествия его воставшая славо, псалтирю и гусли прекрасныя.

Радуйся, одушевленный святыни Господни кивоте; радуйся, в покой Господень воскресший наш животе.

Радуйся, скиние, от херувимов осеняемая; радуйся, святая святых, от серафимов глаголемая.

Читайте также:  Молитва серафиму саровскому на успешную торговлю - православные молитвы

Радуйся, Обрадованая, во успении Твоем нас не оставляющая.

Кондак 6

Проповедницы богоноснии апостоли, по отшествии ко премирным Божия Матере во общем седении обычныя трапезы бывше и предложение части хлеба во имя Господне возносяще, внезапу свыше Богородицу Царицу, пришедшую со светоносными ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам солнце правды Христос Бог от Твоих пречистых ложесн волею, и благоразумием проповедания чрез апостолы мир просвети, и Тя, Богоматерь, от рода и в род прослави. Темже и мы вси ублажаем Тя, вопиюще Ти:

Радуйся, присно блажимая от всех родов во веки; радуйся, благоутробная и милостивая на человеки.

Радуйся, ученическому лику обещание исполнившая; радуйся, присещением Твоим от Сына Твоего и Бога мир тому подавшая.

Радуйся, всежелательное святых и сладкое зрение; радуйся, преподобных матерей и дев святых всевеселящее радование.

Радуйся, преходящая райское селение праведных; радуйся, посещающая всех во славе небесней сущих.

Радуйся, начало человеческаго спасения; радуйся, исполнение всех благих желаний.

Радуйся, по Бозе, Царе царствующих, Богородице Царице; радуйся, по Господе господствующих, Владыце нашем, Госпоже и Владычице.

Радуйся, Обрадованая, во успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же, сродное промышление о нас к Нему имущи, честне почитающих пречестное Твое успение приими, сицевая Тебе вопиющих:

Радуйся, Мати Богу, избранная от земных; радуйся, превышшая земных и небесных.

Радуйся, херувимов и серафимов горе превозшедшая; радуйся, лик ученический облаком ко погребению Ти доле совокупльшая.

Радуйся, Фому по погребении Твоем силою Божиею предпоставившая изряднее; радуйся, чрез него уверившая Твое на небо с плотию преселение.

Радуйся, красотою всех добродетелей украшенная; радуйся, краснейшему паче сынов человеческих Сынови Своему сопричтенная.

Радуйся, яко финикс, плотию воскресшею процветшая; радуйся, яко кедр в Ливане небесном, умножившаяся.

Радуйся, древо живота, насажденное посреде рая превышняго; радуйся, ковчеже мысленный, возвышенный в горняя от потопа смертнаго.

Радуйся, Обрадованая, во успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к небесным взята и земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, херувимы обстоима со всеми небесными силами, идеже слышит поющих сия:

Радуйся, Еяже пресвятая душа в вышнем всесветлом Сионе вселяется; радуйся, Еяже и нетленное тело таможде с душею купно прославляется.

Радуйся, вшедшая в престольный град Самаго Вседержителя; радуйся, вознесшаяся в прекрасный рай вышняго Насадителя.

Радуйся, пренесенная во град, основанный от каменей всесветящих; радуйся, введенная во ограду, обстоимую вои сил превышних.

Радуйся, превышше небес во благолепие Божие взятая; радуйся, паче всех невещественных умов почтенная.

Радуйся, приносящая к Сыну Своему и Богу моление верных; радуйся, и Сама непрестанно у престола Сына Твоего и Бога молящаяся о всех.

Радуйся, предстательнице к Богу, мир спасающая; радуйся, заступнице роду христианскому, от Бога дарованная.

Радуйся, Обрадованая, во успении Твоем нас не оставляющая.

Кондак 9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое успение, Царице: Тебе бо ради земнии небесным совокупляются, согласно поюще Богу: Аллилуиа.

Икос 9

Витийства боговещанных пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием:

Радуйся, закона и пророков главизно совершенная; радуйся, звездо Иаковля, Валаамом прореченная.

Радуйся, одре Царя Великаго, вещанный Соломоном; радуйся, руно, орошенное Иисусом, образованное Гедеоном.

Радуйся, неопалимая купино, законоположником предзримая; радуйся, горо святая, мужем желания усмотренная.

Радуйся, лествице небесная, Иаковом предвидимая; радуйся, двере непроходимая, Иезекиилем предзримая.

Радуйся, солнце селения Христова, псалмопевцем предъявленное; радуйся, таинство, многообразне пророки пронареченное.

Радуйся, пророческих глагол всех, предреченных о Тебе, конец принесшая; радуйся, Вышняго смотрения вся за спасение мира совершившая.

Радуйся, обрадованная, во успении Твоем нас не оставляющая.

Кондак 10

Спасти хотя мир Иже всех Господь, от земнаго Тя рода избра в Матерь Себе и, нас ради быв Человек, взыде, отнюдуже сниде, к небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему. Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем к Тебе прибегающим, ибо небесе и земли Творец, от Тебе плотию пришед, Пречистая, духом и телом в небесная Тя пресели, ко ближайшему предстательству о всех, ихже приглашати научи:

Радуйся, граде Царя Великаго верху горы небесныя; радуйся, стено и покрове, не крыющийся от нашего притекания.

Радуйся, верным на враги пособствующая; радуйся, нашествия агарянская побеждающая.

Радуйся, веры благочестивыя недвижимое сохранение; радуйся, еретичествующих полков разорение.

Радуйся, радость и умирение миру сущая; радуйся, всегубительство ада поправшая.

Радуйся, воинствующих на плоть целомудрием изрядное венчание; радуйся, мученических подвигов всечестное прославление.

Радуйся, преподобных трудом ходатаице блаженнаго упокоения; радуйся, иноком благоскорбящим подательнице вечнаго радования.

Радуйся, Обрадованая, во успении Твоем нас не оставляющая.

Кондак 11

Пение всякое богодухновенных песней не довлеет от нас к похвале всечестнаго успения Твоего, всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с небесными чинми поюще единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая:

Радуйся, свеще неугасимая огня невещественнаго; радуйся, заре незаходимая Света невечерняго.

Радуйся, луно, от Солнца правды облиставаемая; радуйся, светлосте, во тьме светящая.

Радуйся, светильниче, на свещнице превышнем поставленный; радуйся, источниче жизни, из гроба во свет изведенный.

Радуйся, Мати Света умнаго, благочестивых души просвещающаго; радуйся, Мати всех Бога, озлобленных души утешающаго.

Радуйся, уповающим на Тя живота конец непостыдный дарующая; радуйся, достояние Божиим и Своим рабом на Суде Сына Твоего одесную Его устрояющая.

Радуйся, Преблаженная, яко Тобою блажени есмы и мы, иже помощницу Тя имамы; радуйся, Преблагословенная в род и род, яко Господь с Тобою, и Тобою с нами.

Радуйся, Обрадованая, во успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога, видяще горнии уми, подъяша Ю престоли и силы, окружиша начала и власти, припадоша страшнии херувими, серафими и господства, со архангелы и ангелы вопиюще: Аллилуиа.

Икос 12

Поюще всечестное Твое успение, восхваляем вси ко пренебесным возшествие Твое, Царице Богомати. Ты же освяти, прослави и спаси всех, любовию поющих Тебе:

Радуйся, очистившая землю пречистыми ног Твоих стопами; радуйся, освятившая воздух восхождением Твоим к небеси.

Радуйся, на небесный круг возступившая; радуйся, вся доброты неизреченныя зрящая.

Радуйся, во славе приседящая престолу Сына Твоего и Бога; радуйся, с Сыном и Богом вечно царствующая.

Радуйся, красото в деснице Господней, украшающая блажащих Тя всех небесных; радуйся, обрадованная надеянием на Тя всех земных.

Радуйся, облеченная в солнце, сияющая благодатию и славою всей вселенней; радуйся, обещавшая сохраняти и спасати призывающих Тя всех в поднебесней.

Радуйся, от христианских родов Мати Божия почитаемая и Богородица именуемая; радуйся, от восток солнца до запад преславно и православно от всех благочестивых славимая.

Радуйся, Обрадованая, во успении Твоем нас не оставляющая.

Читайте также:  Молитвы от боязни, страха и тревоги - православные молитвы

Кондак 13

О всепетая Мати безсмертнаго Царя небесе и земли, Христа Бога нашего, живущая и по смерти, нынешняя приношения о всечестном Твоем успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

(Этот кондак читается трижды, затем 1-й икос и 1-й кондак)

Икос 1

Ангел предстатель послан бысть рещи Богородице ко премирным Ея возшествие и приити предъявляше к Ней Сыну Ея и Богу, светло о Ней блистаяся и стоя, зовый таковая:

Радуйся, прерадованная Мати Царева; радуйся, Небесная Царице, Мати Бога и Господа небесе и земли.

Радуйся, предпочтенная превеличеством пришествия к Тебе Сына Твоего и Бога; радуйся, возвеличенная извещением Твоего к Сыну отшествия.

Радуйся, от всех родов Богом избранная; радуйся, святое вместилище Слова Божия.

Радуйся, пророческаго проречения исполнение; радуйся, апостолом пречестный венче.

Радуйся, святителем украшение и священником доброто; радуйся, правителем удобрение и державо.

Радуйся, богомудрых иноков возведение к горнему Царствию; радуйся, отверзающая райския двери христианскому роду, присно Тя блажащему.

Радуйся, Обрадованая, во успении Твоем нас не оставляющая.

Кондак 1

Избранной от всех родов Божией Матери и Царице, восходящей от земли к небеси, благоговейная пения о пречестнем Твоем успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти:

Радуйся, Обрадованая, во успении Твоем нас не оставляющая.

(После акафиста читается молитва)

Молитва

Тропарь, глас 1

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2

В молитвах неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся приснодевственную.

Задостойник, глас 1

Ро́ди вси блажи́м Тя, еди́ную Богоро́дицу. А́нгели, успе́ние Пречи́стыя ви́девше, удиви́шася: ка́ко де́ва восхо́дит от земли́ на не́бо. Побежда́ются естества́ уста́вы, в Те́бе, де́во Чи́стая: де́вствует бо рождество́, и живо́т предобруча́ет смерть: по рождестве́ де́ва, и по сме́рти жива́, спаса́еши при́сно, Богоро́дице, насле́дие Твое́.

Источник: https://pravoslavnye-molitvy.ru/akafist-uspeniyu-presvyatoj-bogoroditsy/

Акафист на православный праздник Церковное Новолетие молитва

1 сентября Святая Церковь совершает праздник, именуемый в Уставе «началом индикта, сиречь нового лета». Праздник установлен отцами I Вселенского Собора, которые определили начинать с этого дня исчисление церковного года. Поэтому и весь круг великих Господних и Богородичных праздников начинается с Рождества Пресвятой Богородицы 8 сентября и кончается Ее Успением (15 августа).

К кругу великих праздников примыкают праздники святых, памяти которых совершаются в каждый из дней церковного года. В богослужении великих праздников Церковь указывает путь Домостроительства Божия, путь откровения Божественной любви в истории мира и человечества, стезю нашего спасения, лествицу духовного восхождения, основание которой покоится на земле, а вершина достигает горнего мира.

Праздник церковного Нового года для многих православных христиан, часто посещающих храм Божий и любящих церковную службу, проходит незамеченным; а первый день годичного богослужебного круга, открывающий собою «вход лета» (стихира 1 на стиховне), занимает в этом круге особое и знаменательное место, о чем свидетельствует характер и содержание церковной службы, положенной по Уставу на этот день. Несмотря на то, что 1 сентября не поется полиелей (за исключением храмов, посвященных преподобному Симеону Столпнику, память которого празднуется также 1 сентября), богослужение этого дня отличается большой торжественностью и носит праздничный характер: с вечера совершается великая вечерня со входом и чтением ветхозаветных паримий, а на утрене поется великое славословие. Песнопения дня, большая часть которых написана преподобным Иоанном Дамаскином († 776), раскрывают смысл праздника и значение его для нашей духовной жизни. Однако вершиной новогоднего богослужения, его венцом следует считать Евангелие, читаемое за Божественной литургией. Евангелие повествует о начале открытого служения Христа Спасителя после Его крещения и искушения от диавола, когда Он возвратился в Галилею и начал проповедовать Царствие Божие (Лк. 4, 16-22).

По церковному преданию (минейное сказание на день 1 сентября), это произошло в первый день иудейского праздника жатвы, который праздновали 1-8 сентября. Значение евангельского повествования для слушающих его за церковной службой не исчерпывается совпадением во времени.

В Церковном уставе и вообще в богослужении нет совпадений случайных, лишенных духовного смысла.

Святая Церковь от пришедших в Божий храм ожидает, что они «насытятся Божественных словес», которые Господь явил, «глаголя иудеям в субботах» (песнь 3 канона), и не останутся праздными слушателями читаемого в церкви.

С таким настроением и с такой молитвой войдя в храм Божий и питая в душе твердое намерение через предлагаемое Церковью богослужение начать вхождение в жизнь Господа Иисуса Христа и приобщиться к Его Божественной жизни, положить «начало благое» обновлению нашего духовного делания, мы услышим в читаемом в этот день Евангелии и повествование о событиях далекого прошлого, и Слово Божие, живое и действенное, обращенное к душе каждого из нас. Мы услышим Христа Спасителя и для нас проповедующего наступление «лета Господня благоприятного». В этот день, по словам составителя минейного сказания святителя Димитрия, митрополита Ростовского († l709), «Сам Законодатель явил Себя миру, сошед с горних высот, нося на Себе дух Отца и написуя закон Божий не перстом, но Божественным Своим языком и пресладкими Своими устами, не на скрижалях каменных, но на скрижалях сердца нашего – плотяных». Так становится понятным и намерение Церкви, сделавшей этот день началом круга годичных праздников, в которых Церковь раскрывает тайну Божественного Домостроительства, сподобляет нас постижения этой тайны, делает нас уже здесь, на земле, причастниками премирного Божественного жития.

В этот день Господь начал проповедь Царствия Божия и впервые засвидетельствовал исполнение ветхозаветных пророчеств о пришествии Мессии и тем самым о конце Ветхого и начале Нового Завета, и потому он является наиболее благоприятным временем для начала пути нашего спасения, для вступления в духовный завет с Господом, а для тех из нас, кто идет по нему, обновить Его завет и взойти на более высокую ступень своего духовного делания. И Евангелие, и ветхозаветные чтения дня (Ис. 61, 8; Лев, 26, 9, 11-12) напоминают нам об этом.

Через ветхозаветные чтения, а особенно через Святое Евангелие, мы слышим благую весть о завете Бога с человеком. Но мы должны ответить на призыв Господа, открыть перед Ним свое сердце, чтобы Он написал в нем Свой закон.

Годичный круг богослужения условно можно разделить на три части: первая часть – от Рождества Пресвятой Богородицы, точнее от Новолетия, до Рождества Христова – охватывает время до пришествия в мир Спасителя – Иисуса Христа, то есть события Ветхого Завета; вторая часть – от Рождества Христова до отдания Вознесения – раскрывает перед нами земную жизнь Христа Спасителя; третья часть – от дня Пятидесятницы до отдания Успения Пресвятой Богородицы – посвящена жизни Церкви на земле после вознесения Спасителя на небо.

В последовательности великих праздников есть особенности. Так, праздник Сретения Господня в чреде событий земной жизни Спасителя должен был предшествовать празднику Крещения Господня.

Но в порядке богослужебного круга Сретение следует за Крещением; праздник Благовещения Пресвятой Богородицы относится к первой части богослужебного круга, но празднуется 25 марта, то есть следует за праздником Сретения и предшествует празднику Пасхи.

Преображение Господне относится ко второй части богослужебного круга, но празднуется 6 августа, то есть за 9 дней до праздника Успения.

Для такого расположения великих праздников имеются исторические основания.

Сретение празднуется на сороковой день после Рождества Христова, а Богоявление непосредственно за Рождеством Христовым, так как в древности эти праздники совершались в один день.

День Благовещения Пресвятой Богородицы, в который совершилось непорочное зачатие Христа Спасителя, естественно, отделен от Рождества промежутком в девять месяцев.

Читайте также

© Михаил Чернов vsemolitva.ru

Источник: http://vsemolitva.ru/akafist_novoletie.html

Ссылка на основную публикацию